طردونى ولاد الايه لو ايه يلومونى عليه

عادى عادى متكبرش الموضوع محدش بيموت من الجوع


ورجعت بكلم نفسى يا ما كان فى حاجات فى نفسى


راجع للبيت حيران جعان وكمان شقيان


هقول ايه لمراتى هتفهم ولا تثور وتنادى


تنادى عالجيران وكل واحد حيران


بيدوق مرار الصبر ولا عمره يوم كان حر


ابسط حقوق الفرد يعيش مستور من البرد


حرام يا ناس كفايه ظلم روحى طلعت وخلص الدم


ربنا وحده يقدر عليكم يزلزل الارض من بين رجليكم


يوم البعث الكل هيتساوى روح خدلك جنب واداوى


ديه حراره الشمس ديه نار بتخلص طار من طار


وجه وقت الحساب والظالم ملهوش مناب فى الجنه ولا فى النار


نصيحه من مطرود دم المظلوم محسود


دعاه مفتوحله سبع سموات ربانى من غير وسطات


لا بيزهق ولا بيمل يا بخت اللى يطل على مظلوم ويحن



مشكلتك ايه يا مظلوم احكيلى وفضى هموم


كان نفسى اساعدك بس انا زيك زيك مظلوم


من فيها مش مظلوم والكل عليك بيلوم وجعان وكمان محروم


ياما قالوا حقوق انسان وبلاش كره ونسيان



لا بقولك عايز اقسمك ديه ارزاق قسمها الرحمن



عايزك بس تحس وتطل عليا تبص


حالتى هتصعب عليك لو باقى دموع فى عينيك



تنزف نهر فياض لا بيهمد ده بينفاض


طردونى ولاد الايه لو ايه يلمونى عليه


زجل ساخر ل ..عمر زيزو