وداعا للتعليم

وداعا للتعليم

اخير خلصت تعليم
وبقيت كده في السليم
لا امتحانات بعد اليوم
ولا مذاكره ولا وجع قلب وهموم
ولا واجب وحفظ وضرب كل يوم
ولا دروس خصوصيه ولا مصاريف كليه
وداعا يا تعليم

مصاريف كتير باالكوم
ومذاكره ونكد وهموم
من الفجر اصحي والبس هدومي
والعصر ارجع علي بيتي
وطول اليوم في دروسي
وطول الليل في مذاكره
وكل ده علشان ادخل الكليه
ذاكرت وتعبت وجبت مجموع في الثانويه
وجالي تنسيق ودخلت الكليه

خلصت خلاص الكليه
واخد شهاده نهائيه-
عملت حفله وزيطه
وعلقت الشهاده علي الحيطه

وكل ده علشان شهاده علي الحيطه مرميه
وجمبها صورة كبيره ليا
والاسم معايا كليه
ومش لاقي شغله ولا وظيفه حكوميه
طب كان ايه لزمتها كل المصاريف دي
والعمر الي راح هدر في وهم الشهاده العليا
وكل المصاريف ال اتصرفت لحد ماخلصت الكليه

وداعا يا تعليم
عملت ليا مستقبل اسود وكله طين
مش لاقي شغله وع القهاوي مرمين
الاسم شهاده عليا وفي الشوارع قاعدين
والاسم متعلم ومافيش في جيبي ولا مليم
والي تعليمه علي قده بيعلب الوقتي بالملايين
وداعا يا تعليم