هرشح نفسي لرئاسه الجمهوريه

خلاص بطلت انتخابات
لا هنتخب مبارك ولا جمال ولا البرادعي ولا خالتي جمالات
اصل انا زهقت وكلهم بتوع شعارات
كله بيقولك هنغير ولا شوفنا اي  تغيرات
الكل همه نفسه واحنا لهم ضحيه ومن سنين فات
انا هرشح واحد مننا
انشالله يكون شحات
ع الاقل يفهمني ويحس بيا
مش يجي علشان يخدمني
الاقيه بيسرق فيا

انا هبطل خلاص انتخابات
خلاص بطلنا كلام
والشعب خلاص من النوم قام
هنتكلم ونعلي الصوت
مش هنقضيها سكوت ف سكوت
هيحصل ايه لما اتكلم
ولا هفضل شيطان ساكت بتألم

مانا بطلت خلاص انتخابات
هحتفظ بصوتي لنفسي
بكره اكيد هينفعني
ولا اقولكم
ايه رأيكم ارشح نفسي
  وابقي رئيس جمهوريه
والف ف البلد والكل يرشحني وهوزع هديه
واعمل ندو واقول وعود واعمل عهود
والكل هيصدقني
بس اوعي تفكرو انني هسرقكم زي ماغيري سرقني
اصل انا منكم
وعشت ع ارضكم
وحسيت بالنار زيكم

هرخص لكم القوطه
وانزل حق الانبوبه
واشيل الحمل من ع كتفكم
هشغل الصايع
واحقق حلمكم الضايع
وابقي واحد منكم

وهنزل حق اللحمه
وابعد عن البلد الزحمه
واعمل مدن جديده
وهتعيشو عيشه سعيده
وهدي لكل شاب شقه
واجيب له مهر وشبكه
واعمل ليه فرح وزفه
والكل هيتجوز
ومش ف بت هتعنس
مش انا هبقي الريس

ومن النهارده مافيش حكومه
الشعب هيبقي الحكومه
والكل يتكلم براحته
ويفكر ويغلط وانا هحل مشاكله
والله لادلعكم يا شعبي
علشان تنامو تحلمو بعهدي
اصل مش هيكرر تاني
انا مره وهتيجي وتعدي
ومش عارف هتعملو ايه من بعدي
سلام يا شعبي
سلام يا اهلي


ده بس كل حلمي
ها مين هيختارني
ومين بالجزمه هيضربني

مش تخافو حقكم ف العيش محفوظ
شوفتو انا فاكر كل حاجه ازاي
بالزمه مش هبقي ريس تمام
سلام قبل ماياخدون ع اللومان